Kya tumhare product mein visibility low hai? Ya tumhara competitor low pricing aur best content ke saath tumhare customer ko tumse le ja raha hai? Ya phir product ke content mein koi kami hai? Ya sale to aa rahi hai, par returns ki wajah se loss ho raha hai? Par ab sab badhiya hai, phir bhi sale nahi aa rahi hai? To kya aapke product mein competition zyada hai?

Hello and welcome doston! Main hoon Vikram Soni, Co-Founder aur CEO of Chivaa Technology.

Pichhle 7 saalon mein ek E-commerce seller aur service provider ke taur par maine kai experiments kiye, bahut kuch seekha, bahut ups and downs dekhe, aur ab main apni usi journey se jo knowledge aur experience gain kiya hai, woh aapke saath share karne ja raha hoon.

Sirf product list karna kaafi nahi hota. Har customer ki need alag hoti hai, Kya aapka product wahi de raha hai jo customer actually chahta hai? Har customer ka budget, uski value, uski expectation alag ho sakti hai. Kisi ke liye quality matter karti hai, kisi ke liye trust, aur kisi ke liye price. Sawaal yeh hai ki aapka product us customer ki zaroorat ke hisaab se fit baithta hai?

Socho seller ban kar nahi, balki customer ban kar socho.

Isliye mere is part mein baat karenge Bestselling Products par.

Smile zaroori hai

Imagine karo aapka product 100 rupees hai aur jab ek customer screen par aapki listing dekhta hai aur fir woh product customer ki ummeed par ekdum fit baithta hai, tab customer product buy nahi karta, balki vishwas karta hai.

Aapne kabhi socha ho ya na socha ho, par woh product listing ek promise kar rahi hai customer se.

Ab hoga intezaar product ka. Customer ke dimaag mein already ek poori picture ban chuki hoti hai. Agar quality, packaging, aur jo promise kiya tha, woh match kare, tab customer ke face par smile.

Aur ye hajaro lakho smiles milkar banta hai Brand and Bestselling Product.